Rassgathole

Til hamingju með afmælið Guðlaug!

O Belgique, ô mère chérie,
A toi nos coeurs, à toi nos bras,
A toi notre sang, ô Patrie !
Nous le jurons tous, tu vivras !
Tu vivras toujours grande et belle
Et ton invincible unité
Aura pour devise immortelle :
Le Roi, la Loi, la Liberté !
Aura pour devise immortelle :
Le Roi, la Loi, la Liberté !
Le Roi, la Loi, la Liberté !
Le Roi, la Loi, la Liberté !

Gott kveld...
Góðar fréttir í dag. Ef að spámaðurinn kemst ekki til útlanda fara útlöndin til spámannsins. Tveir lærisveinar frá Brussel (þeir eru reyndar Hollendingur og Spánverji) munu halda í pílagrímsferð hingað til að hitta meistara sinn!

Jibbí jibbí...


Barnaklám er stórt vandamál í Belgíu.

In the name of the Holy
Trinity I, Sabina Welserin,
begin this cookbook.
God grant me His holy
grace and wisdom
and understanding and judgment
with which I
through His Holy will live
here in this time and
with Him forever. Amen. anno 1553

Góðann dag.
Spámaðurinn er frekar ósáttur við hlutskipti sitt...Hann fer víst ekki til englands.
Já, því miður, þá verða fyrirætlanir mínar um að sitja með Sherlock Holmes og reykja pípu og drekka öl úr krús, aðeins draumórar, því ég fer ekki...amk ekki strax.

On the Ning Nang Nong

On the Ning Nang Nong
Where the Cows go Bong!
And the Monkeys all say Boo!
Theres a Nang Nong Ning
Where the trees go Ping!
And the tea pots Jibber Jabber Joo
On the Nong Ning Nang
All the Mice go Clang!
And you just cant catch em when they do!
So its Ning Nang Nong!
Cows go Bong!
Nong Nang Ning!
Trees go Ping!
Nong Ning Nang!
The mice go Clang!

What a noisy place to belong,Is the Ning Nang Ning Nang Nong!

Spike Milligan.

"Þerrið kjúklingin. Hrærið saman sinnepi, eggjarauðu og rjóma í skál og kryddið með salti og pipar. Blandið saman brauðraspi og estragoni á disk..."

Gott kveld...
Frelsari mannskepnunnar hefur verið frekar latur að blogga undanfarið og biðst ekki afsökunar á því. Ástæðan er sú að spámenn hafa mjög mikið að gera, sérstaklega þegar að það er svona vesen út um allan heim (t.d. í Írak).
Spámaðurinn gæti í raun leyst það vandamál einn tveir og þrír, en til þess að hann geti leyst það þurfa lesendur mínir að gera mér örlítinn greiða: Ég skal tala við Bush og kippa þessu öllu saman í liðinn, en fyrst þarf einhver að sannfæra hann 100% um að ég sé sá sem ég er (þeas. útsendari himnanna).
En nú er maður með allann hugann við London...Og sýninguna á kaffistofu hinna útvöldu...Og umhverfistlist.
Spámanninn dreymir um Lundúnir, um að sitja á öldurhúsi í Lundunarborg, á borði með Sherlock nokkrum Holmes þar sem við gætum rætt um sannleika lífsins með pípu í munni og krús af miði í hönd. Svo myndu einhverjar snoðaðar knattpyrnubullur koma inn og segja "hvort haldiði með manchester eða liverpúl?", og við myndum setja upp spakmannlegann svip og Sherlock myndi segja: "En við erum of gáfaðir fyrir slíka sefjun hugans, við erum hafnir yfir blóðugar íþróttir sem skemmta engum nema niðursetningum, Breiðholtsdraugum og útigangsdrykkjumönnum". Svo myndi hann méla þá með sexhleypunni traustu um leið og þeir sýndu á sér snið um að verða róstursamir...

Annars er spámaðurinn ekki í öngum sínum lengur vegna sataníska samsærisins, enda verða allir fyrir barðinu á þessum djöfullegu blekkingum (þakkir til lesanda sem benti spámanninum á það). Enda vita allir að þegar að maður þjáist líður manni alltaf mikið betur ef að hellingar af fólki í kringum mann þjáist líka.
Hérna er hentugur leiðarvísir sem getur hjálpað ykkur að bera kennsl á útsendara satans:

Villutrúarmenn mynda samsæri gegn spámanninum.
Júdas hefur kysst mig rafrænum kossi svikarans! Falsspámaður hagnast á vísdómnum sem drýpur af vörum frelsara mannkyns!
Til þess að þið skiljið alvöru málsins: Ímyndið ykkur að þið ætluðuð að blaða aðeins í alfræðiorðabókinni og tækjuð fallegt og þykkt eintak sem væri bundið inn í leður og merkti "ALFRÆÐIORÐABÓK" á kilinum, þið mynduð setjast í hægindastól með tebolla og hugsið ykkur gott til glóðarinnar. Þú hugsar: "Ég ætla að vera í náttsloppnum í allt kvöld, súpa te, reykja sígarettur og blaða í alfræðiorðabókinni í allt kvöld, m.ö.o: Ég ætla að baða mig í andagift og visku í allt kvöld. En hvað gerist svo? Eftir að hafa komið ykkur þægilega fyrir og flett orðabókinni í tíu mínútur áttið þið ykkur á því að þetta ER EKKI ALFRÆÐIORÐABÓKIN! Nei, þó hún sé bundin inn í leður, sé merkt sem alfræðiorðabók þá er þetta ekkert annað en Súperman blað frá Siglufjarðarprentsmiðju, með illa þýddum texta og prentað á lélegann pappír. Í stað vísdóms fáið þið ekkert annað en textablöðrur sem innihalda texta eins og "GISP ÉG ER DAUTT KJÖT EF LEX LUTHOR NÆR AÐ SKJÓTA MIG MEÐ KRYPTÓTRON GEISLANUM!"
Já, svo slæmt er þetta samsæri!
En hvað getur verið svona slæmt? Takið eftir blekkingum And-krists HÉRNA!
Nú segja eflaust margir: "Nú, hvað, þetta er bara síða um trúna og eðli trúarinnar" RANGT!!! Lesið slóðina sem þessi síða notar og þið munuð sjá hvurskonar blekkingum útsendarar andskotans beita!
Þetta er samsæri gegn vísdóm spámannsins!!!

Það er aðeins EITT rassgathole! OG ÞAÐ ER MITT!!!

Gott kveld.

Í dag er Föstudagurinn langi er kvöl, enda þjáist ég líkt og kristur á krossinum. Bölvuð flensa.

Come l'altre verrem per nostre spoglie,
ma non però ch'alcuna sen rivesta,
ché non è giusto aver ciò ch'om si toglie.

Góðann daginn.
Flugumenn Satans hafa tekið sér bólfestu í líkama spámannsins og frelsari mannkyns heldur nú kyrru heima fyrir vegna öflugrar flensu sem herjar á hann.
Spámaðurinn vinnur í því særa þessa illu anda úr líkama sínum með því að neyta c-vítamíns í sífellu, drekka hákarlalýsi og hóstasaft og úða efnasamböndum upp í nasir sér.

Það er fátt sem spámaðurinn hatar meira en flensuna, en þrátt fyrir það ber hann sig vel og kvartar frekar lítið við hina útvöldu mær (Guðlaugu), en þrátt fyrir það gefur hann oft í skyn að auðvitað sé hann píslarvottur að vera svona rosalega kvefaður.
Já kæru lesendur, spámaðurinn hefur tekið á sig allar flensur mannkynsins og þjáist fyrir syndir ykkar!
Annars getur spámaðurinn lítið gert í þessu ástandi...Þessvegna hefur mestallur dagurinn farið í að sötra Melrose's, hlusta á Buena Vista social club og rannsaka undraheima internetsins... Þar kennir margra grasa.
Hérna er sýnishorn af hinu stórmerkilega undri sem internetið er:

(Nota bene: Biskupinn er að skvetta vígðu vatni á slátrið á hermönnum vatíkansins til þess að satanísku nunnurnar geti ekki nauðgað þeim)

Ó, Guð vors lands! Ó, lands vors Guð!
Vér lofum þitt heilaga, heilaga nafn!
Úr sólkerfum himnanna hnýta þér krans
þínir herskarar, tímanna safn.
Fyrir þér er einn dagur sem þúsund ár
og þúsund ár dagur, ei meir:
eitt eilífðar smáblóm með titrandi tár,
sem tilbiður guð sinn og deyr.
:; Íslands þúsund ár, ;:
eitt eilífðar smáblóm með titrandi tár,
sem tilbiður Guð sinn og deyr.

Gott kveld góðir lesendur.
Myndlist á vefnum er það sem spámaðurinn hefur undanfarið verið að velta fyrir sér.
Og ekki bara myndlist á netinu í dag, heldur myndlist í samhengi við internetið í framtíðinni. Að mörgu leiti er "internet myndlistin" ekki svo frábrugðin almennri notkun á internetinu. Enda er samfélagið á netinu eitthvað sem byggist eingöngu á gagnsæjum hugmyndum.
Jaques Bormé sagði í bók sinni "Saga Óendanleikans" (histoire d'infini/Geschichte der Unbegrenztheit) : "Daginn sem hver sem er getur sagt hvað sem er á opinberum vettvangi án þess að taka ábyrgð á því, verður annaðhvort dagurinn sem að mannkynið breytist í mannkyn2 (þeas. þróast), eða dagurinn sem að markar upphaf tortímingar mannkyns á sjálfu sér."
Ég hlæ með sjálfum mér þegar ég les þessi orð hans, sem voru hripuð niður árið 1958. Hann hafði greinilega ekki séð fyrir tilkomu alnetsins.
Nú vil ég ekki ganga svo langt að segja að mannkynið sé ekki að tortíma sjálfu sér. En mér finnst hins vegar í hæsta máta ólíklegt að internetið hafi nokkuð með tortímingu okkar á sjálfum okkur að gera. Ef eitthvað er hefur það hægt á okkur, þar sem fréttir af (stundum) hræðilegum aukaverkunum nútímasamfélagsins ferðast hraðar manna á milli vegna alnetsins.
En internetið er einungis kerfi...Og það er hægt að rugla í öllum kerfum. Gott dæmi um það er Júgóslavneski listamaðurinn Darko Maver (listamaðurinn sem var aldrei til).

Byrði betri
ber-at maður brautu að
en sé mannvit mikið.
Vegnest verra
vegur-a hann velli að
en sé ofdrykkja öls.

Spámaðurinn átti góðann dag í dag.
Eftir að hafa rölt í sólinni með Ástu, Manzo og erfingja þeirra um miðbæinn í sólinni hélt spámaðurinn á Kjarvalsstaði og sötraði þar kaffi þar til lokaði, næsta verkefni er að taka til í íbúðinni, enda er hún farin að líkjast krakkhúsi.
Annars er ekki mikið í fréttum af spámanninum. Hann fór í veislu í stofnunni sem hann nemur við, en mætingin var afspyrnu slæm. Þaðan var haldið á bar sannleikanns (grandrokk), eftir að þangað var komið tók við einhver hræðileg, ótæpileg drykkja sem skildi eftir sig biturt eftirbragð og óljósa tilfinningu um að hugsanlega hafi spámaðurinn orðið sjálfum sér og skóla sínum til skammar.

Annars var þetta bara ágætt...

Hear, Oh Poet of the Lord.
I offer you a great reward,
A gifting that shall never cease,
An outpouring of Joy and Peace.

Gott kveld.
Spámaðurinn hefur ekki alveg haldið sig við þá upphaflegu áætlun að skrifa á hverjum degi. En spámaðurinn hefur haft hendur sínar fullar þar sem holdsveikir bíða í röðum eftir lækningu.

Spámaðurinn ákvað að líta í musteri mammons í dag. Kom heim með akkúrat 2 lítra af undanrennu, frosna pítsu, sveppa-olíu (ómissandi í pasta) og poka af Freyju karamellum.
Drakk kaffi á Nýja Kökuhúsinu og grét beiskum tárum vegna minninga sem sóttu á mig, hver man ekki eftir gamla nýja kökuhúsinu þar sem nú er spriklstöð og rónabúlla niðri við austurvöll? Man eftir því að hafa verið smákrakki og pabbi fór alltaf með mig þangað og gaf mér kringlu. En...ég verð að hætta að tala um þetta áður en ég fer að gráta...

En já, Kringlan er sérstakt fyrirbæri. Ætli þetta sé það sem koma skal? Öllu skipt niður í hólf? Skóhólf, fatahólf, bókahólf, reykingahólf, hamborgarahólf, nýja kökuhúshólf (snökt), símahólf, pissuhólf...o.s.frv.
Það er alltaf svolítill "veröld, ný og góð" andi sem svífur þarna yfir vötnum.
Kannski er þetta lausnin á "miðbæjarvandanum"? Er ekki bara hægt að skipta laugaveginum í opin hólf? (máski má bæta við nokkrum öðrum hólfum, t.d. drukkin besservisserhólf), eða jafnvel ganga lengra og skipta bara öllu höfuðborgarsvæðinu í hólf? Sexhyrnd hólf sem myndu heita eitthvað á borð við "gamli miðbær hafnarfjarðar" og "Arnarneshólf"...
Þetta þarf ekkert að vera neikvætt, við verðum bara eins og býflugurnar sem að skipta öllu niður í sexhyrnd hólf og safna svo hunangi...Þetta gæti útrýmt öllum vandræðum eins og t.d. fátækt, því ef einn sveltur svelta allir (nema Vigdís Finnbogadóttir, drottning búsins). Að vísu er óvíst hvort að Vigdís myndi höndla miklar barneignir...En þróunin mun eflaust spila þar inn í og fljótlega myndi Vigdís okkar allra fara að gjóta amk. 80 börnum á dag.

Enda er það skylda hennar við þjóðina.
Auðvitað væri þetta ákveðið afturhvarf til náttúrunnar, en það skiptir engu, enda ekkert nema jákvætt við það. Þetta er að sjálfsögðu raunhæfur möguleiki... Við erum hvort eð er svo mikil dýr, við erum meir að segja mjög heimakær dýr og sendum út þar til gerðar drottningar til að rannsaka nýja staði og stofna ný bú (t.d. Kólumbus, Leifur Heppni...o.s.frv.)
Nú stökkva eflaust margir lesendur upp úr stólum sínum og hrópa: "En mæðraveldið virkar ekki! Horfðu bara á amasónurnar! Hvar eru þær í dag? Ha?"
Við þessu segi ég:
Menn bent á slæmar hliðar mæðraveldisins (matriarchy), enda aldrei gott að hafa einn hluta þjóðfélagsins ráðandi öðrum. Menn hafa jafnvel gengið svo langt að segja að feðraveldið (patriarchy) sé æskilegra í þjóðfélaginu... Á meðan eru enn aðrir sem hrópa að mæðraveldið sé í raun æskilegt sökum þess að feðraveldið hafi fengið sinn sjéns og hafi endað með því að íbúar Bikini Atoll voru fluttir nauðarflutningum til Kili eyjar og heimkynnum þeirra rústað með kjarnorkusprengju ( ) .
Jújú, þetta er sosum rétt hjá ykkur að mörgu leiti EN: Hver segir að það þurfi að vera annað hvort? Vigdís væri einungis til staðar til þess að gjóta nýjum vinnuþrælum, ekki til þess að stjórna nokkrum sköðuðum hlut...Eina ástæðan fyrir því að við tölum um býflugnadrottningarnar sem "drottningar" er vegna þess að við skiljum ekki að lifandi verur geti verið svona skipulagðar án þess að vera stjórnað. En drottningin stjórnar engu, hún verpir bara eggjum og er vernduð og gefið að éta til þess. Það er ekkert easy-living sko...Ímyndið ykkur að fæða eitt barn á dag...en hundrað?
Já, þessi nýja þjóðfélagsmynd væri einungis grunduð á því að vernda búið og vinna fyrir búið. Horfið bara á kringluna, er hún ekki iðandi af lífi? Er einhver sem "stjórnar" öllu þar? Nei, það eru margir "míní" stjórnendur sem fá skipanir frá sínum "yfirmönnum", þaes. neytendum....

Þannig erum við orðin laus við úrelt hugtök eins og "stjórnvöld", "lögregla", "mótmæli" og slíkt...Við verðum meir að segja búin að losa okkur við þörfina fyrir kynlíf, og í fyrsta sinn getum við stöðvað ókunnuga úti á götu, horft í augu þeirra og sagt: "Bróðir".