Rassgathole

Í dag er spámaðurinn hættur að reykja.

Já, ótrúlegt en satt...Spámaðurinn situr hérna með síðustu sígarettuna sína og reykir af áfergju. Sennilega verður mikið panikk í fyrramálið, því að það er ekki arða af tóbaki í húsinu þvi spámaðurinn fór með allt klabbið útí tunnu...
Hversvegna?
Vegna þess að eftir að kona spámannsins yfirgaf hann hefur hann reykt mjög mikið...Þegar að spámaðurinn segist reykja mikið þá er það MIKIÐ því spámaðurinn er vanur að reykja sirka 25 til 30 stykki á dag. Þessvegna er mikið af sígarettum eitthvað á borð við 60 stykki! Á einum degi! Spámaðurinn fékk ógeð og fór með allt klabbið útí tunnu. Honum fannst eins og tungan á honum væri blóðugt kjötstykki marínerað í tjöru og lungu hans full af jell-o (með tjörubragði), varir hans eru brenndar og fingurnir gulir... Eftir 60 sígarettur vill spámaðurinn aldrei sjá sígarettu aftur...

Stuttu eftir þessa ákvörðun komst spámaðurinn að því að í dag er reyklausi dagurinn... Ætli yfirvöld séu að beita hugarstjórnunargeislanum aftur?

Spámaðurinn hefur einu sinni áður gert aumingjalega tilraun til þess að hætta reykingunum, en hún fór út í vindinn á fyrsta degi og endaði með því að spámaðurinn kom hlaupandi aftur til tóbaksrisans með tárin í augunum kjökrandi: "gamli vin ég skal aldrei yfirgefa þig aftur".
Fyrir utan það hefur spámaðurinn aðeins verið reyklaus í eina viku á síðustu tíu árum...Og þá var hann aðeins 16 ára gamall. Þrátt fyrir það man spámaðurinn mjög vel þvílíkann hreinsunareld og þjáningu hann gekk í gegnum þá, svo hann gerir sér fyllilega grein fyrir því hvað á eftir að ganga á í fyrramálið.

Reyndar hefur spámaðurinn ekki hugmynd um hvað reyklaust fólk gerir heima hjá sér. Hann hefur ekki verið reyklaus síðan hann var barn og því er líf án sígarettunnar vægast sagt framandi fyrir honum. Fyrir spámanninum er næstum jafn fráleitt að hætta að reykja og að hætta að borða.
Spámaðurinn fór að lesa sér til um kosti þess að vera reyklaus, og þeir eru víst æði margir. Bæklingar lofa spámanninum meira þoli, bættu bragðskyni, bættri heilsu, engum flensum, skotheldum lungum, harðara typpi, bættu þefskyni, sterkara hjarta, meiri vinsældum, betra skapi...Í stuttu máli sagt, öllu sem ruslpósturinn á e-mailinu hjá spámanninum lofar honum.
Auk þess eru öll ráð frekar gagnslaus eins forföllnum fíkli og málpípa himnanna er, t.d. Segir bæklingurinn spámanninum að "forðast staði/aðstæður sem hann er vanur að reykja við"... Ef að spámaðurinn á að taka mark á því ætti hann til dæmis að sleppa því að vakna, hátta sig, fá sér mjólkurglas, kaffibolla, tebolla, ganga örna sinna (ef þú hefur ekki setið á klósettinu og reykt, þá hefur þú ekki lifað), fara í göngutúra, mæta í vinnuna, skrifa ritgerðir, lesa bækur, horfa á sjónvarp, hlusta á útvarp (einn viðbjóðslegasti munaður sem spámaðurinn veit er að hlusta á útvarpsleikrit og keðjureykja), drekka bjór...osfrv.
Í stuttu máli sagt þá er spámaðurinn bara alltaf reykjandi...
Ef að síðan www.reyklaus.is er skoðuð þá sést til dæmis ekki neitt sem gæti orðið svona aumum fíkli eins og spámanninum að gagni, hvaða gagn er af því að segja nokkrum manni að það að kyssa reykingamann sé eins og að sleikja dauðann hund? Honum er orðið sama um það fyrir löngu síðan. Ef að stelpan vill ekki sleikja dauðann hund, þá elskar hún mig ekki, og þá hefur spámaðurinn ekkert við hana að gera.

Auk þess finnst spámanninum þessi áróður vægast sagt vafasamur, áróðursspjöld sem að niðurlægja armann tóbaksfíkilinn eru vita gagnslaus til að fá fólk til að hætta að reykja... Þetta er álíka og að setja upp veggspjald sem á stæði: "HAHA SJÁIÐI HERÓÍNFÍKILINN! HANN ER MEÐ LIFRARBÓLGU OG ER ALVEG EINS OG BEINAGRIND! HÍ Á HANN! OJ ÞÚ ERT ÓGEÐ!" til þess að fá dópista til þess að leggja frá sér sprautuna.
Fyrir utan það virðist síðan bara ekki hafa neinar upplýsingar um það hvernig á að hætta að reykja. Spámanninn er farið að renna í grun að þessi síða sé bara fyrir fólk sem er rosalega ánægt að hafa aldrei byrjað að reykja og hafi mikla þörf fyrir hæla sjálfu sér og gera gys að okkur fíklunum áður en við drepumst fyrir aldur fram.
AMK finn ég ekki mikið gagnlegt á þessari síðu... T.d.hef ég ekki mikið gagn af langri grein um það hvernig munntóbak drap einhverja hafnaboltahetju.
Og nei, ég get ekki fengið bæklinginn "njóttu frelsisins hættu að reykja", né get ég skoðað hann þarna. Hinsvegar get ég pantað 100 eintök af honum til þess að dreyfa til ungbarna.
Svo eru þarna viðtöl við fræga einstaklinga þar sem þeir ræða reykingar, flestir þeirra hafa aldrei reykt. Þar fordæma þeir reykingar í bak og fyrir og taka fram hversu lánsöm þau séu að hafa hætt/aldrei byrjað/vera ekki dauð... Gallinn er bara sá að þeim hefur ekki tekist að taka viðtal við neinn sem er ekki helvítis fífl. Hvern djöfulinn varðar spámanninn um það hvað Lindu Pé finnst um reykingar? Ó NEI Reykingar valda appelsínuhúð?!?!? Reykingar valda hrukkum?!!? Já...Ég er einmitt að hafa áhyggjur af því að ég verði ljótur þegar ég ligg í dauðateygjunum á líknardeildinni með æxli á stærð við kranabíl í lungunum.
Og já, svo eru TVÖ viðtöl við Einar Ágúst um hvað það er frábært að vera reyklaus, en hann hætti að reykja eftir eitthvað hjartnæmt samtal við deyjandi konu... Eins og allir vita er Einar Ágúst grautarhaus einsog restin af skoffíninu sem prýðir síður reyklaus.is En eitt hefur hann frammyfir hina þöngulhausana og það er að vera meðlimur í sértrúarsöfnuði (spámaðurinn er vegurinn og enginn annar!!!), hérna kemur svar mannsins við spurningunni "Ef þú ættir eina ósk, hvers myndir þú óska þér?"
Svar Einars:
"Að allir þekktu boðskap Bahá'u'lláh, boðbera bahá'i trúarinnar. Hann bíður uppá heildarlausn á öllum kvillum mannkyns. But all in good time eins og maðurinn sagði."

Já, þetta er mikil hvatning að sjá hvernig menn hafa numið boðskap Baháulláh í stað þess að reykja... Spámaðurinn er ekki viss um að hann vilji ganga í eitthvað star-trek költ vegna þess að hann er hættur að reykja.
Hins vegar er sennilega ekki alslæmt að svífa í lausu lofti yfir rúminu (og elskhuga) í tantrískri hugleiðslu eins og Guðjón Bergmann virðist hafa gert eftir að hafa lagt kveikjarann á hilluna.
Já, sennilega er best að spámaðurinn stundi bara sjálfsfróun alltaf þegar hann langar að reykja. Hinsvegar er það ekki hægt á almannafæri og sennilega væru þeir sem sætu með spámanninum inni á hressó allt annað en ánægðir ef að hann tæki upp á því að sletta ástarsafa í öskubakkann á borðinu.
Reyklaus.is hefur tekið viðtöl við fleiri menn...Hérna er til dæmis svar Össurar Skarphéðinssonar við spurningunni "Hvernig víma finnst þér best?" En Össur svarar: "Kikkið sem maður fær eftir tíu kílómetra hlaup. Það jafngildir náttúrulegu morfínskoti frá heiladinglinum."
EEEEeeeehhhh...Sko... Ég er nokkuð viss í minni sök, og sennilega ekki einn um það þegar ég segi að ég telji að Össur hafi aldrei hlaupið tíu kílómetra og ef að það eru einhver skot í heilanum á honum eftir tíu kílómetra hlaup þá er það að öllum líkindum æð að springa.

En jáh...Nóg um þetta alltsaman... Ætli spámaðurinn fari ekki á morgun og prufi einhvern viðbjóð á borð við nikótíntyggjó á morgun...

Gott kveld.
Tími breytinga stendur yfir hjá spámanninum núna... Hann er á fullu að djöflast við að breyta íbúðinni sinni í musteri sem mun þóknast úthverfa hluta sálar hans.
Hann er einnig að reyna að sætta sig hið litlausa líf piparsveinsins, sem, hefðum samkvæmt verður að einkennast af stóðlífi, tímaritinu Samúel og frosnum skyndimáltíðum. Kannski spámaðurinn ætti að fá sér svona skjólstæðing, eins og Robin hans Batman?
Eins og allir málsmetandi menn vita, varð Batman vitni að hræðilegu slysi í fjölleikahúsi. Hjón sem sýndu loftfimleika duttu af rólu og létust bæði samstundis. Þegar Batman leit í kring um sig sá hann lítinn dreng sem stóð og grét, hann hafði orðið vitni að dauða foreldra sinna.
Batman ákvað að taka hann undir væng sinn og þjálfa hann í að berjast við glæpi. Þessi drengur varð síðan Robin (hvað hann heitir án grímunnar man ég ekki, þjónninn í leðurblökuhellinum kallar hann alltaf "Master Dick").


Spámaðurinn flæktist einmitt inn á eina sirkúsinn í Reykjavík í gær, en því miður fann hann engann pilt sem hafði orðið vitni að láti foreldra sinna fimm mínútum áður. Svo spámaðurinn fær engann Robin til þess að þjálfa í bardagalistum og klæða upp í spandexbúning.



Þetta hljómar samt rosalega freistandi...Að hanga í bókastofunni þangað til að löggan kveikir á lampanum, og klæða sig svo í einhvern búning og þjóta af stað.
Svo talar Batman alltaf niður til Robin, sem hlýtur að vera skemmtilegt. Hinsvegar hefur Robin einnig marga galla, ég gæti aldrei verið lengi nálægt neinum sem notar upphrópanir á borð við "Holy Metropolis" og "Jumping Jellybeans".

Potatoes, potatoes, tomatoes, tomatoes
Let’s call the whole thing off

Skíturinn heldur áfram að vinda upp á sig.
The prophet hath the blues real bad.
Spámanninum hefur verið bent á að líf hans sé efni í kántrílag: "Konan er farin og fuglinn minn er dauður".
En þar sem kántrí, þrátt fyrir útbreiddann misskilning, er ekki tónlist almættisins, þá hefur spámaðurinn ákveðið að halda sig við að vera bara blár eins og Billie Holiday...

"Þar urðu þær málalyktir að Þórður skyldi gera um með því móti að Kjalleklingar skildu það til að þeir mundu aldrei ganga í Dritsker örna sinn en Þorsteinn skildi það til að Kjalleklingar skyldu eigi saurga völlinn nú heldur en fyrr. Kjalleklingar kölluðu alla þá hafa fallið óhelga, er af Þorsteini höfðu fallið, fyrir það er þeir höfðu fyrr með þann hug að þeim farið að berjast. En Þórsnesingar sögðu Kjalleklinga alla óhelga fyrir lagabrot það er þeir gerðu á helguðu þingi. En þó að vandlega væri undir skilið gerðina þá játaði Þórður að gera og vildi heldur það en þeir skildu ósáttir."


Gott Kveld.
Helgin helga er komin. Nú mun spámaðurinn liggja á vömbinni, skoða myndlist og stunda kaffihúsahangs eins og hann lystir... Eða svo til...Þar til Þriðjudagurinn rennur upp.

Spámaðurinn hefur verið að velta fyrir sér hlutverki eininga í lífi okkar. Flest byggjum við líf okkar á einingum. Dæmi um það er mjólkurfernan góða, sem er dæmigerð eining sem að flestir landsmenn umgangast, án þess nokkurntímann að velta þessu fyrir sér. Eins hinn dæmigerði búsi utan af Egils djús þykkni, sígarettupakkar, klósettpappírsrúllur, geisladiskar, vídeóspólur, A4 pappír, sígarettupappír, Andrésblöð, ljósaperur, innstungur, matskeiðar, lýsisperlur, megabæt, kókflöskur, smokkar... Osfrv.
Skilgreinum við sjálf okkur útfrá þeim einingum sem við notum?
Mynduð þið telja að þið þekktuð málpípu guðanna betur ef hún kæmi til ykkar og segði: "Ég nota 12 blöð af salernispappír á dag, ég drekk hálfa mjólkurfernu á dag, tek eina lýsisperlu, nota þrjú megabæt á viku, reyki eina pakkningu af sígarettum á dag, nota einn til tvo geisladiska á dag, prenta eina blaðsíðu af A4 á dag og teikna á þrjú,ég nota tíu smokka (í stærðinni xxxxL) á hverjum degi og drekk eina svalafernu?



Spámaðurinn er hér til þess að frelsa yður frá einingunum!

In ancient times in Kildare priestess of Brighid would take turns tending a Sacred Flame which burned in honor of Brighid. Unless you are a member of a society that keeps the Flame of Brighid, such as Ord Brighideach, you may not know that this practice is still kept by worshippers of the goddess.

Gott kveld.
Spámaðurinn vissi alltaf að þetta sumar yrði skítasumar... En hann gat sér ekki til um að það yrði svona slæmt. Spámaðurinn er í mjög krefjandi vinnu og launaseðillinn sem hann á von á er fimmaurabrandari (í orðsins fyllstu)... Svo gengur spámanninum frekar illa að sætta sig við vinamissinn sem hann varð fyrir nýlega. Auk þess sem að líkamleg áreynsla, reykleysi og takmarkað át veldur miklu þunglyndi.

En þó er spámaðurinn glaður yfir einu: Loksin loksins er hann orðinn eigandi að eldi guðanna: Ronson Varaflame heitir stykkið og var vinsælasti kveikjari í heimi í gamla daga (1954)...Fyrsti gaskveikjarinn sem var framleiddur. Guðlaug keypti einn slíkann handa spámanninum og nú líður spámanninum alltaf eins og James Bond þegar hann kveikir sér í sígarettu. Spámaðurinn hefur haft ágirnd á slíkum kveikjara í nokkur ár en aldrei tímt að kaupa sér hann, auk þess sem að hann hélt að þeir væru ekki framleiddir lengur.
En spámaðurinn er hæstánægður...Svo er Art Deco alltaf eitthvað svo nautnalegt.
Svona lítur meistaraverkið í eigu spámannsins út:


Að lokum tekur Spike Milligan við í ljóðahorninu með ljóðinu "Teeth" :

English Teeth, English Teeth!
Shining in the sun
A part of British heritage
Aye, each and every one.
English Teeth, Happy Teeth!
Always having fun
Clamping down on bits of fish
And sausages half done.
English Teeth! HEROES' Teeth!
Hear them click! and clack!
Let's sing a song of praise to them -
Three Cheers for the Brown Grey and Black.

Spámaðurinn er leiður í dag. Mikil vinkona er fallinn frá.

Hér er mynd af henni að skíta á stofuklukkuna, það var vinsælt athæfi í lifanda lífi...
Hennar er sárt saknað.

Spámaðurinn er bara orðinn íþróttaóður.
Já... Þið hélduð að það væri ekki mögulegt... En spámaðurinn er farinn að skokka í og úr vinnunni. Þessi stutti sprettur er lengri leiðin meir að segja. Já, spámaðurinn leggur af stað sirka klukkutíma fyrr til þess að fara úr sinni heittelskuðu norðurmýri og inn í kópavog.
Já...Spámaðurinn er ekki aðeins reyklaus hálfann daginn (ég sver ég ætla að reykja tvöfalt meira en ég hef nokkurntímann gert þegar ég segi upp þessari vinnu), heldur skokkar hann í vinnuna?!? Ef þetta er ekki sönnun á himneskum hæfileikum, þá er ekki hægt að sanna þá.

Svo eftir mánaðarmót mun spámaðurinn fara með hjólið sitt í viðgerð...Og HJÓLA í vinnuna (ef hann kann það ennþá).

Það er spurning hvort að spámaðurinn fari svo ekki út í atvinnumennsku í hjólreiðum... Tour De France borgar víst vel. Og svo er eitthvað heillandi við menn sem raka fótleggina til þess að minnka vindmótstöðuna og taka lyf sem þykkja blóð þeirra svo mikið að þeir þurfa að vakna á hálftíma fresti allar nætur og ganga um til að blóðið hreyfist (ellegar deyja í svefni).

Kappinn hér að ofan er Eddy Merx, atvinnuhjólreiðamaður sem sigraði Tour De France nokkrum sinnum...Bráðum verð ég eins og hann. Hann var í svo góðu formi að læknar höfðu áhyggjur af honum. Læknarnir skipuðu honum að reykja þrjár sígarettur á dag til þess að hraða á púlsinum.


Þessi kappi er hinsvegar Tom Simpson, sem dó í keppninni þegar hann var að hjóla upp fjall. Eftir tragískt dauðsfall hans var amfetamín bannað í Tour De France.

Ég hef ákveðið að neyta ekki lyfja áður en ég hjóla af stað í vinnuna.

"Það þótti föður mínum vegur að deyja í konungdómi með sæmd heldur en gerast undirmaður annars konungs á gamals aldri. Hygg eg, að þér muni og svo þykja og öðrum þeim, er nokkurir eru borði og kappsmenn vilja vera."


Heyr mig allar helgar kindir:
Spámaðurinn er lagstur í þunglyndi... Næstu mánuðir lofa ekki góðu. Næstu mánuði mun spámaðurinn þræla fyrir ríkisspítalana...Alveg eins og öll hin sumurin. Spámanninum fannst of gaman í skólanum og var í raun leiður þegar að skólanum lauk. Nú er hinn harði veruleiki farandshjúkrunarkonunnar orðinn staðreynd.
Nú þegar hefur hann þurft að þola tvo vinnudaga í reykleysi og þurft að sætta sig við þá staðreynd að fyrir utan að vera eini karlmaðurinn á staðnum er hann yngsti starfskrafturinn, næstyngsta hjúkkan er 25 árum eldri en spámaðurinn.

Til þess að verjast ótímabærum dauðdaga sökum leiðinda, þunglyndis og söknuðar hefur spámaðurinn hafið vinnu við nýtt listaverk, sem mun marka upphaf tímamóta í sögu mannkyns og hugsanlega mun listasagan þurfa að vera endurskrifuð eftir að fólk hefur séð list hans.


Nú bíður spámaðurinn æstur eftir ágúst, en þá leggur hann niður vinnu og tekur á móti gestum frá Spánarveldi og Óraníukonungsveldinu.
Tveir dagar liðnir...Aðeins tveir og hálfur mánuður eftir.

Kvöldið endar með ljóðalestri. Eins og venjulega gef ég Spike Milligan orðið:

Said Hamlet to Ophelia,
I'll draw a sketch of thee,
What kind of pencil shall I use?
2B or not 2B?

"The American Art Therapy Association (AATA) is a national association dedicated to the belief that the creative process involved in the making of art is healing and life enhancing."

Spámaðurinn er hálfdaufur þessa dagana...Sér frammá hundleiðinlegt sumar og þunglyndi. Ég nenni ekki að vera hjúkka...Byrja á morgun.

Annars er fuglinn enn óhress, fór til dýralæknis í dag, var sprautuð í magann. Samt verður mikið um óskemmtilegar lyfjagjafir næstu vikuna...Og svo þarf blessuð skepnan að vera undir hitaperu (svona einsog kjúklingar eru undir þegar þeir eru litlir).
Dýralæknirinn segir að hún muni ná sér að fullu...Sem ég vona að verði sem fyrst. Það er heldur óskemmtilegt að horfa upp á þetta ástand á greyinu. Er að velta fyrir mér að fá hana til að byrja á art-therapy. Aldrei að vita nema að dýfa goggnum í litróf sálarinnar hafi jákvæð áhrif.

Annars varð spámanninum lítið úr verki...Krúsaði um bæinn í fylgd með heimadreng sínum, honum Bjögga, að skoða orð spámannanna.

Gefendur heilir!
Gestur er inn kominn!
hvar skal sitja sjá?
Mjög er bráður
sá er á bröndum skal
síns um freista frama.

Gott kveld.
Gærkveldið var...Viðburðaríkt.
Hélt í áfengis/sushi-orgíu sem að var hin besta skemmtun. Eftirbragðið er súrsætt þó...Skemmtun gærdagsins er enn að kitla bragðlauka mína, þar sem ég finn dauft fiskibragð með spíra-ívafi enn í munni mér. Spámaðurinn prufaði þó margt nýtt. T.d. laxahrogn...Sem verður lýst sem ofvöxnum kavíar fylltum af sjó. Mjög gott allt saman.

Þó var eitt sem skyggði á gleði spámannsins, en það eru veikindi þarfasta þjónsins. Páfagaukurinn okkar er veikur. Hið göfuga dýr þjáist af hægðatregðu (sem er víst algengt og lífshættulegt ástand hjá fuglum) Dýralæknirinn sagði okkur að neyða ofan í hana matarolíu svo hún gæti skitið þessu öllu saman úr sér. Það var ekki vinsælt. Fönix (þeas. Dís) barðist um á hæl og hnakka, enda matarolía ekki góður drykkur. En spámaðurinn stóð fast á sínu, ef það er eitthvað sem hann hefur lært á kópavogshæli er það hvernig á að neyða lyfjum og bragðvondum mixtúrum ofan í fólk. Enda fór svo að matarolían endaði uppi í goggi og ofan í maga (og svo rann hún undan stélinu).
Frá hennar sjónarhól: "Besti vinur minn sem er á stærð við tíu-hæða blokk tekur allt í einu upp á því að halda mér fastri og neyða mig til að drekka 3 glös af matarolíu."
Rassaþvotturinn var heldur ekki ánægjulegur, hvorki fyrir spámanninn né fórnarlamb hans.
Enda er spámaðurinn í ónáð hjá fuglinum núna.
En fuglinn getur að minnsta kosti skitið núna.

Á morgun er það svo ferð til hins afar óvinsæla dýralæknis...Svo málpípa almættisins verður líklegast ekki í náðinni á næstunni.

Ölur eg varð,
varð ofurölvi
að ins fróða Fjalars.
Því er öldur best
að aftur um heimtir
hver sitt geð gumi.

Góðann daginn.
Nú eru aðeins þrír dagar í að vinna hefst. Satt best að segja kvíður spámanninum nokkuð fyrir því að byrja að vinna, því nú er búið að banna reykingar. Og án sígarettunnar er spámaðurinn ekki neitt. Nú munu ýmsir grípa fram í og segja: "En sígarettur eru ógeð og ef þú reykir dettur typpið af þér!"...Við því segi ég það sama og flestir reykingamenn: Ég er málpípa guðdómleikans og er því ónæmur.

GrandMaster Rassgathole in the house!

Gott kveld!
Spámaðurinn hefur verið truflaður af því að telja peninga, hangsa í einhverju sígarettumausi og bara af almennum aumingjaskap.
En kannski voru þetta bara freistingar satans!
Þetta hangs vort er sambærilegt við þegar Jesú hélt út í eyðimörkina þar sem Belzebúb freistaði hans.
Nei, nú er tími fyrir epíska myndlist! Fyrir endurreisn trúarinnar! Lúðrar himnanna blása til orrystu og miðgarsormur byltir sér!

Nú er tími upprisu Rassgathole!!!!!
Tími uppgjörsins nálgast óðfluga! Í þetta sinn verður málpípa almættisins ekki nelgd uppá kross...

Without exchanging words we reached a place
where a narrow stream came gushing from the woods
(its reddish water still runs fear through me!);
Like the one that issues from the Bulicame,
whose waters are shared by prostitutes downstream,
it wore its way across the desert sand.
This river's bed and banks were made of stone,
so were the tops on both its sides; and then
I understood this was our way across. (ll. 76-84)

Gott kvöld.
Spámaðurinn varð vitni að miklum undrum í gær. Rafrænir tónar reiðhjólavélmennanna seyddu lýðinn og var það skemmtun hin ágætasta.

Annars er spámaðurinn ennþá í lágdeyðu mikilli. Kemur í ljós að hann er sennilega ekki sloppinn við ritgerð nokkra sem hann átti að hafa skilað fyrir löngu síðan. Spámaðurinn hefur í raun bara legið í móki í skýi sígarettureyks og heitrar gufu tebollans síðan að skólanum lauk. Sennilega eru blankheit ástæðan fyrir þessu ástandi. Yfirleitt er þankagangurinn eitthvað á þessa leið: "Hey, ég veit, ég fer og fæ mér kaffibolla...Æ...Alveg rétt ég á ekki pening fyrir því...Best að halda bara áfram að góna út í loftið og reykja...geisp".
Annars nálgast fyrsti vinnudagur óðfluga, senn verður spámaðurinn kominn í hlutverk líknarans aftur niðri á blessaða hælinu sem kennt er við kópavog.

Spámaðurinn er búinn að lifa ógeðslegur lífi undanfarið...Ekkert nema leti og kaffihús,
sólahringurinn kominn á hvolf og fleiri neikvæðir hlutir að gerast.
Frelsari mannkyns skreið frammúr rétt fyrir klukkan 3 í dag... Frelsara mannkyns vantar einfaldlega eitthvað að gera... Enginn fær holdsveiki lengur og hann er ekki byrjaður að vinna enn. Það eina sem ég horfi frammá næstu vikuna er að vera skítblankur og í fríi.

Komið með börnin til mín... Þau hafa gott af því að upplifa leti og leiðindi.